Daig Affe Club

HAIM

E grosse Dangg

Mir sy  sproochloos iber die grossi  Hilff wo uns offeriert worde isch vo allne Syte im Zämmehang mit unserer laidige Waage-Bschäärig.

Mir dangge vyylmool fir die riisigi Wäärtschetzig. Sobald dr Verluschtschmäärz e weeneli versuurt isch und mir e bessere Iiberbligg vom Schaade hänn wärde mir uns mälde.

Noonemoole grosse Dangg.

Dr Daig-Affe-Club

Läider isch ùnser Waage am 12. Abrille 2024 bim Groosfyyr in Därwil verbrennt.

 

 

Nochruef Waage DAC

Waisch no, - das kasch jetz saage,
mir dängge do an unsere scheene Waage!
Laider het s miese so koo,
dr Fyyrdeifel het in mit sich gnoo !

Mir derfe nit dra dängge, s macht so wee,
soone Waage wird me nie mee gsee!
Innert wenige Stunde isch verschwunde,
wofir mir uns hän gschunde vyyli Stunde!

Aagfange het s vor Joore,
wo unsere Waage isch geboore,
Vier Reeder und e roschtig Gstèll,
Hän zerscht dänggt, was das sell?
S het aber super k haue
so aifach hän mir afo baue!

Die erschti Biez, mir wisse das no guet,
epis due, dermit das Gstèll nit wyter roschte duet!
Jeede Winkel und au alli Egge,
hän mir mit Schutzmittel miese abdegge!
Sythäär perseenlig sappermoscht,
sin Daig-Affe alli frei vò Roscht!

Was uuse koo isch hän alli gsee,
e Luxus-Waage was wotsch no mee!

Doch jetz hän mir dr Drägg,
alles isch ganz ewägg!
Bierhaane, Lätärne und so wyter,
alles futsch das isch ganz bitter!
nit numme dr nei Sunne-Stoore,
au s Mateial und Wärkzig hän mir verloore!

 

Hoffe numme me het s kenne vermyyde,
dass unsere Kuschelaff nit het miese lyyde!

Trotz däm grosse Entsetze,
s Materielle ka me ersetze!
Doch d Weemuet blyybt no doo,
au die wird mit dr Zyt vergoo!

Mien halt zämme stoo,
und wider vò 0 afoo!
Mir luege vorwärts und nit hinde dryy,
Näggschti Fasnacht sin mir wider derbyy!

Dr Daig-Affe-Club
 

D daig Affe Hymmne

 

DAC Hymne  (Melodie z Basel am mym Rhy)

 

Z Basel am mym Rhy,

e Daig-Aff mecht i sy,

an dr Fasnacht uf em Waage,

due ych gärn e Larve traage,

I: an dr Fasnacht, an mym liebe Rhy. :I

 

Als Daig-Aff waisch genau,

derfsch nit due wie ne Sau,
Nai muesch immer heeflig blyybe,

und nit alles iberdryybe.

I: an dr Fasnacht, an mym liebe Rhy. :I

 

Die drei Dääg in dr Stadt,

find ych schambar glatt,

isch emoole nit vyyl loos,

gang i grad in Baggestoos.

I: an dr Fasnacht, an mym liebe Rhy. :I

 

Um das doo dytlig z saage,

Mir si kai Waggiswaage,

mir kemme nämlig zimlig druus,

und spiile jeerlig e Sujet uus.

I: an dr Fasnacht, an mym liebe Rhy.:I

 

Z Basel an mym Rhy,

e Daig-Aff mecht i sy,

vom Süde bis in Nordweschte,
isch unseri Fasnacht s Allerbeschte!

I: an dr Fasnacht, an mym liebe Rhy.:I

 

 

Termine 2024

 

  • 08.06.2024                                   Bummel 2024
  • 09.03.2025                                   Waage Vernissage 2025
  • 10.03.2025 – 12.03.2025             Fasnacht 2025
  • 23.02.2026 - 25.02.2026              Fasnacht 2026
  • 15.02.2027 - 17.02.2027               Fasnacht 2027

 

Bis zer Faasnacht am

10. Mèèrz 2025

goohts nò

8
:
88
:
88
:
88